Ukun-an iha Mota Laran
Loron matan sae
Ida-idak ho nia kanuru
Tama mota laran
Suru, tuda, suru, tuda
Tuda hasoru redi
Raihenek butuk, butuk, butuk
Sai foho oan
Kareta kinur hein
Serbisu atan sira suru no tuda
Truk bok-an no fokit
Husik hela dolar tahan balun
Lahalerik ba ema ida
Kosar suli, suli, suli
Turu iha rai henek leten
Ledu ruin iha mota laran
Kosar turu no suli
Suli mutu ho we inan ba tasi
Hatadak Maubere nia moris
Maubere aswa'in
Latane tane liman ba ema ida
Hamrik iha ain rasik
Maubere ukun rasik-an iha mota laran
Bebonuk, 19/03/2020
No comments:
Post a Comment