DADOLIN NUDAR KLAMAR MORIS

DADOLIN NUDAR KLAMAR MORIS

Dadolin nudar klamar nebe ko’alia

Koalia husi fuan kle’an

Husi foho no tasi

Husi kalohan no anin

Husi udan no rai-lakan

Husi laloran no rai-tarutu

Dadolin suli hanesan mota

Semo hanesan abu-abu

Hakfuik hanesan anin

Fera foho no tasi

Dadolin mak klamar lulik

Dadolin kro’at hanesan rama oan

Semo haborus laloran, udan no kalohan

Tama iha fuan ida-idak

Lori ksolok no domin

Maibe sunu no manas hanesan ahi kla’ak

Dadolin tuda hanesan mota boot

Su’ut sai fatuk no rai-henek

Sukun tama to’o rai laran

Halo fuan fekit hanesan guitar talin

Tanba dadolin iha klamar moris

Dadolin sunu rai mutuk

Dadolin fera fuan

Dadolin fanu ema tomak

Dadolin lori hakmatek

Dadolin lori domin

Bebonuk, 29/03/2020