Maubere Matan Fitun

Maubere Matan Fitun

Kalan nakukun

Laiha fulan laiha fitun

Ular kalan

Ida-idak bok an

Tuir ida-idak nia ritimu no lian

Buka moris iha nakukun laran

Nakukun metan
 Balada fuik haklalak ba lia los

Maho wen turu

Haborus rai

Kabura tubun moris nadodon

Moris, moris, moris ba lia los

Fitun metan

Taka loro matan

Maubere matan fitun

Matan Lakan, lakan, lakan

Lakan iha nakukun laran

Hateke borus asu fuik metan

Rai hun mutin

Loro matan sukun tama iha ai-tahan leet

Sukun borus tali no akadiru tahan

Loro matan tuda

Tuda, tuda, tuda

To’o O fuan

Rai hun mutin

Tafui kokoroek

Ular kalan fila ba imi knua

Hader Maubere Lorosa’e

Loron foun mai daudaun

Hana, hana, hana fulan metan

Hader Maubere Lorosa’e

Hametin ain tuban

Tuba, tuba, tuba

Tuba ba lia los

Dere tambor, babadok no dadir

Dere, dere, dere ba lia los.

Darabai, 29/02/2020