Ha’u Nia Horik Fatin

Ha’u Nia Horik Fatin

Ha’u iha mahan ida

Iha Uma ida

Iha Hun no iha Abut ida

Kleur tebes ona ha’u dok husi Uma

Dok husi Inan no Aman

Dok husi maun no alin sira

Uma ne’e mak fo mahan mai ha’u

Uma ne’e mak fo matak no malirin mai ha’u

Uma ne’e mak tulun ha’u iha situasaun hotu-hotu

Uma ne’e mak tuir ha’u ba nebe de’it

Nia mak lori we no aihan ba ha’u

Nia mak fo mahan ba ha’u

Loron ida

Bainhira lahare ona loron no fulan

Ha’u hakarak fila ba toba iha Uma ne’e

Fila ba ha’u nia Uma

Fila ba ha’u nia Abut

Fila ba ha’u nia Hun

Toba hakmatek iha ha’u nia Uma

Toba hakmatek iha ha’u nia Inan no Aman nia sorin

Toba hakmatek iha ha’u nia maun no alin sira nia sorin

Bebonuk, 23/07/2020