MINUTU IDA HAKMATEK!

 

MINUTU IDA HAKMATEK!

 

Hakmatek ba, tasi no mota sira!
Manu no balada sira!
Udan no anin sira!
Abu-abu no mahowen sira!
Klamar, lulik no matebian sira!

Hakmatek ba!
Ida-idak hakmatek iha fatin!

 

Terus no susar sira

Halerik iha nonok laran

Matan wen sira turu neineik
Ran sira suli iha nakukun laran
Ruin sira namakari lemorai
Le'ut kle'an aswa'in sira nian

 

Hakmatek, hakmatek no hakmatek ba!
Ita hotu hakmatek!
Hakmatek minutu ida!
Hodi hanoin hikas
Ita nia aswa'in sira

Mate tanba ita Rain

 

Hakmatek, hakmatek no hakmatek ba!
Ita hotu hakmatek

Minutu ida hakmatek

Hakmatek iha nonok laran

Dili, loron 15, fulan Agosto 20