Uma Lulik
Airin boot Timor nian
Hatadak O nia hun
Hatadak O nia abut
Hatadak O nia unar
Lakasoru
Karau dikur
Hatadak O nia beran
O nia kbiit
O nia aswa’in
Husi bei-alan sira
Hatur matak malirin
Iha O knua
Hametin O nia ran turuk sira
Bobokasa, tobu no dadili
Tebe, bidu no dahur
Haklalak, rakalele iha knua laran
Lori anin malirin, hakmatek no dame
Hun ida, abut ida, uma ida, rai ida, dalen ida
Loriku, kakoak no falur
Tur iha lakasoru leten
Hateke dok ba foho tutun
Hananu no hananu
Hananu dalen dame nian
Bebonuk, 12/03/2020
No comments:
Post a Comment