Anin huu aikakeu ba mai
Aikakeu tahan hananu tuir anin huu
Lakateu lahakfodak no tuur metin
Laketeu no aikakeu tahan hananu hamutuk
Hamosu ritimu no melodia furak
Lakateu hananu hodi haree loron foun sa'e
Baku liras semo husi ai ida ba ai seluk
Lori tatoli husi knua ida ba knua seluk
Dame malu ba, hamutuk ba
Mesak umane no fetosan nian
Mesak nan no feton nian
Ha'u tur iha ai-dak mahan
Hateke tun ba debu sira
Warik oan sira dada rede
Hisik kosar Iha debu boot
Dada ikan, kadiuk no boek
Hodi tutan moris
Hodi tutan moris
Iha ai-dik leten
Kakoak no loriku sira hadau malu aidik funan
Hotu-hotu hananu haksolok
Tanba sa warik oan sira tanis matan wen la sai?
Tansa warik oan sira hakilar lian la sai?
Moris ida susar no todan
Todan tebes ba imi nia otas
Hader warik oan sira!
La'o hasoru loron foun!
Lakateu, kakoak no loriku sei hananu hamutuk ho imi
Sira sei semo hamutuk ho imi
Semo hasoru loron foun nabilan
Semo aas ba moris foun
Nabilan sei to'o iha imi knua
Nabilan sei to'o iha imi nia neon
Nabilan sei to'o iha imi nia moris
Bebonuk, 04/04/2020
No comments:
Post a Comment