Não, Não, Não `a Exploração

Não, Não, Não `a Exploração

Oin sira nebe laiha oin
Buka oin iha nakukun laran
Hanesan buan sira laiha oin
Soro na'an iha kalan boot

Oin sira laiha oin
Buka hela identidade ida
Hanesan vampiro sira
Susu ran iha nakukun laran

Susu osan
Susu bokur
Susu ran
Ida ne'e mak sira nia identidade

Vitima sira la'os ema delek
Ema sira ho konsiensia aas
Ema funu na'in sira
Ema matenek sira

Tanba sa monu iha buan nia hiti?
Osan?
Kadeira?
Projeto?
Serbisu?
Ka buan nia dadolin aat?

Ita la'os iha Idade Fatuk
Ita la'os iha Idade Paleolitiku
Ita la'os iha Idade Mezolitiku
Ita la'os iha Idade Neolitiku
Ita la'os iha Idade Megalitiku

Ita iha era Iluminizmu
Ita iha era teknolojia
Ita iha era sivilizasaun aas

Ita la'os iha era feudalista
Ita la'os iha era liurai no atan
Ita la'os iha era obskurantizmu
Ita la'os iha era explorasaun husi ema ba ema

Imi nia ran
Imi nia isin
Imi nia klamar
Sira fo han ba buan sira

Maibe
Imi nia bokur
Imi nia kosar
Imi nia osan
Imi nia serbisu
Sira mak susu

Hader ba maun alin funu na'in sira
Hader ba Timor oan tomak
Hananu inu Patria Patria
Terra livre, Povo livre
Não, não, não `a exploração!

Bebonuk, 7 de Julho de 2020