Tasi moos, tasi hakmatek hanesan lalenok
Anin huu kail talin hananu dame nian
Soe, dada, soe dada
Ikan tuku no bidu iha kail tutun
Dudu bero ba tasi soro ikan na’in Laloran boot mai hasoru bero
Bero lotuk fera anin, fera laloran
Dada, dada, dada redi
Ikan butuk no butuk iha rede laran
Dudu bero ba tasi soro ikan na’inDai na’in hakat ho dai ba tasi laran
Soe, soe, soe dai mutin
Dai mutin loke-an taka tasi kalohan
Ikan tebe bidu iha dai latan
Kail na’in, rede na’in no da’i na’in
Kalan loron moris hakmatek iha tasi ibun
Simu anin foun no fitun nabilang
Nabilang iha imi neon no imi fuan
Moris dame ho tasi no bero
Bebonuk, 19/03/2020
No comments:
Post a Comment