Iha fatuk namdoras no aitalik mahar O dolar sai
Hakat haborus tali no aufuik didin metin sira
Lori todan hotu-hotu iha O nia kabas leten
Kosar suli tuir belihun sira iha aufuik laran
O husik hela ain leut furak sira
Ain leut funu ida nian
Funu ba prinsipiu nebe loos
Tane valores umanidade nian
Tuba ba justisa no direitus umanus
Defende interesse emar barak nian
Ba luta na’in ida
Terus oinsa mos O tenki hulan
Tanba O nia dalan, dalan terus nian
Maibe dalan nabilan rohan laek nian
Aitarak barak moris nadodon iha fatin-fatin
Baki aas hetan iha fatin hotu-hotu
Ular siak hein iha lidun hotu-hotu
Balada fuik no siak hein iha sikun hotu-hotu
Anin fuik hein iha leet hotu-hotu
Udan boot lori foer taka dalan hotu-hotu
Mota boot tun taka O nia dalan
Loron manas sunu rai su’ar
Hotu-hotu hein atu lees no tolan O
Hodi satan netik dalan ba lia loos
O husik hela ai-leut funu ba lia loos nian
Funu na’in ida ain tuban besi asu
Kulit ai-kameli no ai-kanela morin
Matan rama oan no kakutak fitun mutin
Tahan hasoru satan hotu-hotu
Tahan hasoru susar no terus hotu-hotu
Tuba, tuba, tuba funu na’in
Karik ohin O seidauk manan
Aban O sei manan
Manan lia loos nebe O buka
Harii metin prinsipiu no valores nebe O kuda
Fo mahan ba emar no ai-horik sira
Fo mahan ba balada no buat hotu mai husi rai no bee
O nia hanoin no hahalok
O nia sakrifisiu no determinasaun
Husik hela leut osan mean ida
Husik hela finin buras sira
Sai abat buras rohan laek husi jerasaun ba jerasaun
Bebonuk, 8/4/ 2020
Tane valores umanidade nian
Tuba ba justisa no direitus umanus
Defende interesse emar barak nian
Ba luta na’in ida
Terus oinsa mos O tenki hulan
Tanba O nia dalan, dalan terus nian
Maibe dalan nabilan rohan laek nian
Aitarak barak moris nadodon iha fatin-fatin
Baki aas hetan iha fatin hotu-hotu
Ular siak hein iha lidun hotu-hotu
Balada fuik no siak hein iha sikun hotu-hotu
Anin fuik hein iha leet hotu-hotu
Udan boot lori foer taka dalan hotu-hotu
Mota boot tun taka O nia dalan
Loron manas sunu rai su’ar
Hotu-hotu hein atu lees no tolan O
Hodi satan netik dalan ba lia loos
O husik hela ai-leut funu ba lia loos nian
Funu na’in ida ain tuban besi asu
Kulit ai-kameli no ai-kanela morin
Matan rama oan no kakutak fitun mutin
Tahan hasoru satan hotu-hotu
Tahan hasoru susar no terus hotu-hotu
Tuba, tuba, tuba funu na’in
Karik ohin O seidauk manan
Aban O sei manan
Manan lia loos nebe O buka
Harii metin prinsipiu no valores nebe O kuda
Fo mahan ba emar no ai-horik sira
Fo mahan ba balada no buat hotu mai husi rai no bee
O nia hanoin no hahalok
O nia sakrifisiu no determinasaun
Husik hela leut osan mean ida
Husik hela finin buras sira
Sai abat buras rohan laek husi jerasaun ba jerasaun
Bebonuk, 8/4/ 2020
No comments:
Post a Comment