KETA NARAN TOLAN

KETA NARAN TOLAN

Haree didiak manu nia urat
Haree sala ita susar hotu
Haree didiak manu nia aten
Haree sala ita mohu hotu
Haree didiak manu nia ain
Haree sala sama ita hotu

Fo han didiak lulik sira
Fo sala han ita sai kaidane
Fo haris didiak surik lulik sira
Fo sala haris ita hela naran
Bali didiak morten sira
Bali sala bobar ita kakorok

Tau tara didiak ba manu futun
Tau sala tara ita leki lerek
Manu aman tafui manu futu fatin
Hili sala tara manu sai paisudan
Kuda aman mean kuda taru fatin
Lalika tau pori nia hatene dalan

Lalika haksolok ho dai mamuk
Ikan sei dahur hamnasa ita
Sukat ibun sukat liafuan
Loron aban sei oinseluk
Lalika doko rai ho sana mamuk
Kaer sala sana, sana sei rahun

Hare fulin todan hakruk rabat rai
Isin buras iha kulit laran
Kalen mamuk halo rai moris
Anin udan sei la mai tanba dere kalen aat
Liafuan teberetek iha sana laran
Be nakali sei maran mesak iha sana laran

Leki aman boot bidu iha ai-leten
Sama sala ai-sanak monu tidun kidun
Makikit la'o rai loko-an tebes
Loriku rai na'in lafo fatin
Lalika foti-an, lalika loko-an
Loron aban sei oinseluk

Bebonuk, 02/04/20