HA'U MOE

HA'U MOE

Ha'u moe, moe tebes

Ha'u moe, mo'e duni

Ha'u moe, moe lahalimar

Ha'u moe ba ha'u nia-an rasik

Ha'u moe ba ha'u nia maluk no belun sira

Ha'u moe ba ha'u nia compenheiro no camarada sira

Ha'u moe ba povo tomak

Ha'u moe tanba tuku anin

Ha'u moe tanba hana ain rasik

Ha'u moe tanba kolu-an rasik

Ha'u moe tanba liman naruk

Ha'u moe tanba han matak

Ha'u moe no moe duni

Ho sabonete rihun ida

Ho rinso tonelada ida

Ho we husi mota bota ida

Labele fase ha'u nia moe

Biar ho laran tomak
Biar ho fuan tomak
Ha'u bisu-bisu ba du'ut sira
Koalia rasik ba ha'u nia fuan
Haklaken ba ema tomak
Sei lahamos ha'u nia moe
Karik hakaman de'it

Ha'u moe no moe duni
Ha'u nia oin foti lasa'e
Ha'u nia hakat mate iha fatin
Lalika halo tuir ha'u

Hodi imi labele moe

Bebonuk, 18/04/2023