Iribaha Uairuru: O NIA LALATAK LA TRAI O

O NIA LALATAK LA TRAI O

O NIA LALATAK LA TRAI O

Lalatak nudar ita nia imajen nakukun nian

Lalatak lahalo diskriminasaun

Metan, mutin ka mean

Hotu-hotu metan no metan nafatin

Lalatak tuir O ba nebe de’it

Nia toba no hader hamutuk ho O

Nia han no hemu hamutuk ho O

Nia mak O nia anju bali O loloos

O mate nia toba iha O nia sorin nafatin

Nia mate hamutuk ho O

O bele bosok ema no Maromak

Iha buat rua de’it mak O labele bosok

O ninia lalatak no O nia fuan

Iha buat rua de’it mak la trai O

O nia fuan no O nia lalatak

Lalatak tuir O ba nebe de’it

Nia lakon iha nakukun laran

Maibe nia mosu hikas iha naroman laran

Dala ruma nia aas liu O

Dala ruma nia badak liu O

Lalatak nudar segredu ida

Segredu nebe ema seluk lahatene

Segredu nebe O rasik lahatene

Lalatak nunka hamnasa no koalia

Nia koalia no hamnasa ho ninia segredu rasik

Nia moris, nia tuir O, nia tuur no toba ho O

Nia bok an tuir O nia movimentus

So O nia lalatak mak la trai O

Bebonuk, 01/05/2020

No comments:

Post a Comment

Subscribe to: Post Comments (Atom)

1

2

3

4

5

6

7

8

9

1. Membru RENETIL Ho Matan Ben Simu Matebian Lasama 2. Primeiru-Ministru Louva Livru RENETIL Publika kona-ba Kontribuisaun Istóriku ba Ukun An 3. Sekjer RENETIL ho Hakerek nain Carlos Saky entrega livru ba PR Taur MR 4. STL - Livru RENETIL iha Prosesu Libertasaun Timor-Lorosae 5. Lansamentu Livru Antes Sem Titulo do Que Sem Patria 6. Sasin no envolvimentu Dr. Rui de Araujo alias Agil nudar militante RENETIL 7. RENETIL - Nova Lideranca Mistica 8. Homenagem a Fernando Lasama de Araújo 9. PN Diskuti Malu Tamba Livru RENETIL