KOLU-AN IHA UMA FUKUN

KOLU-AN IHA UMA FUKUN

Povu labeik ona
Povu Loke matan ona
Malisan no karma la'o duni
Se mak kuda buat aat sei ku'uk buat aat
Se mak kuda buat diak sei ku'u buat diak

Povu labeik ona

Povu nunka beik

Povu loke matan ona

Povu nunka taka matan

Durante ne’e povu toba uituan

Tanba kole luta ba ukun-rasik-an

Ohin povu hader husi toba

Rona ema baku kaleng aat sira iha Uma Fukun

Fanu duni povu hodi haree

Se loos mak durante ne’e kanten ba ukun

Lori maioria hodi hanehan minoria

Lori minoria hodi hakoak metin kadeira

Ohin sira kolu-an rasik iha Uma Fukun

Hakoak metin kadeira biar minoria hela

Uza meiu oioin hodi hakoak metin kadeira

Lori kadeira hodi tuda malu

Sobu no harahun meza no kadeira

Hatudu de’it sira nia kanten

Hakarak manan mesak

Hamrok no hamalaha tebes ba ukun

Sobak buat diak ho aat hotu iha oin

Ema manan sira hadau

Sira manan ukun lahatene no soe hela ukun iha dalan

Povu labeik ona

Povo matan nakloke ona

Povu hader ona

Lalika hili tan bosokten no manipulador sira

Lalika hili tan kanten ba poder sira

Bebonuk, 19/05/2020