LIDER RESPEITADU

LIDER RESPEITADU

Ema ida-idak iha ninia tempu aas

Maibe tempu aas hanesan ai-funan ida

Nia sei namlaik no monu lais

Tan nee

Ema nebe matenek

Lakohi hela kleur iha foho tutun molik

Evita atu anin boot labele hu monu nia

Istoria mundu nian hatudu

Lider boot no karizmatiku barak monu husi foho tutun

Tanba hakarak hela deit iha foho tutun

Nelson Mandela

Lider boot no karizmatiku Afrika nian

Dadur iha kadeia besik tinan 30

Simu tratamentu aat oioin

Nia larai odiu ho vingansa ba ema ruma

Nia simu terus oioin

Nudar konsekuensia husi luta nian

Nia lider ida matenek

Lakohi hela kleur iha foho tutun

Nia tun ba foho hun hamutuk ho nia povu

Nia labuka hadau poder

Ema ruma mos laduni nia

Nia sai rasik ho nia ain

Nia tun rasik husi foho tutun

No hamutuk ho nia povu hakat ho hakmatek

Nia lahalo politika odiu ho vingansa nian

Nia nakloke ba dialogu ho se deit

Nia anti violensia

Nia hakoak ema hotu

Nia laharee ba mutin ka metan

Ema hotu hanesan de'it

Ema hotu maun-alin

Nia mate nudar lider respeitadu

Respeitadu iha ninia povu nia matan

Respeitadu iha mundu tomak

Bebonuk, 12/05/2020