LORON LIMA FULAN LIMA
Ohin loron lima fulan lima
Loron mudansa nian
Iha loron ida nee mak mosu mudansa iha Timor
Lilin nebe lakan iha tunel laran
Lakan boot ba beibeik
Iha loron ida nee mak mosu loron foun
Loron foun ba liberdade nian
Iha loron ida nee mak parte hotu-hotu iha konflitu simu malu
Atu hakat hamutuk ba oin
Hakat ba referendum
Referendum liu ona
Povu manan ona ninia liberdade no ukun rasik an
Kaer metin ispiritu loron lima fulan lima nian
Muda hanoin no hahalok
Husik hela diferensas sira
Husik hela diverjensias sira
Husik hela odiu no vingansa
Husik hela mauhu no buihu
Husik hela independentistas no autonomistas
Timor oan ida deit
Rai Timor ida deit
Hun ida no abut ida
Timor ba Timor oan tomak
Hamutuk kaer metin ukun rasik an
Hamutuk tane ita rain
Hamutuk tane ita emar
Bebonuk, 05/05/2020
No comments:
Post a Comment