MUDANSA
Buat hotu nebe moris bok an
Sira hotu muda an
Balu muda lais no balun neineik
Muda hodi adapta no ajusta an ho klima
Nebe lamuda an sei mate
Ne'e fenomenu natural no istoriku
Ita ema mos sempre sofre mudansa
Mudansa iha isin
Husi kosok sai klosan
Husi klosan sai katuas no mate
Mudansa iha hahalok no hanoin
Husi aat ba diak
Husi sala ba loos
Husi fraku sai forte
Husi odiu no vingansa
Ba hakoak malu no hadomin malu
Husi fahe malu ba hakoak malu
Mundu tomak muda
La iha ida mate iha fatin
Ne'e mudansa pozitivu
Ne'e fenomenu natural no istoriku
Loro matan foun fanu ema atu hader
Hader hodi halo mudansa iha moris
Husi moris aat ba moris diak
Husi hanoin aat ba hanoin diak
Se mak lakohi hader sei mate ho tempu
Planeta rai dulas nafatin
Loron, fulan no fitun mosu lakon
Ida-idak bok an tuir nia ritimu
Ne'e fenomenu natural no istoriku
Bebonuk, 05/05/2020
No comments:
Post a Comment