POVU MAK LUTA

POVU MAK LUTA

Povu lamate, nunka mate

Ema mak mate, sei mate

Povu labosok, sei labosok

Ema balun mak bosok

Iha luta ba libertasaun

Povu mak luta, povu mak tuba

Tuba ba nia moris

Tuba ba nia identidade

Tuba ba nia lisan

Tuba ba nia dignidade

Luta no tuba to’o manan

Laiha ema ida lidera mesak luta libertasaun
Laiha ema ida luta mesak ba libertasaun
Laiha ema ida lori mesak Timor ba ukun-rasik
Hotu-hotu hamutuk mak manan ukun-rasik-an

Povu nebe luta

Ema ida sei labele hateri netik

Nia hanesan laloran boot

Nia hanesan mota boot

Nia fera foho no sobu sa deit iha oin

Laiha ema ida luta liu Povu

Laiha ema ida tahan liu Povu

Laiha ema ida maka’as liu Povu

Povu mak lori Timor ba ukun-rasik-an

Tan ne’e

Povu mak na’in ba ukun-rasik-an

Povu mak manda

Povu mak ordena

Laiha tan ema ida halu Povu ba nia kuda sela

Laiha tan ema ida halo Povu ba atan

Laiha tan ema ida sama no haneban Povu

Laiha tan ema ida hais Povu

Laiha tan ema ida susu Povu nia bokur

Laiha tan ema ida habeik tan Povu

Hotu-hotu nonok rona Povu

Povu mak liurai ba an rasik

Povu mak manda

Povu mak ordena

Bebonuk, 07/05/2020